اصــدق قـلــب...

كاول مشاركه لي بها المنتدى حبيت اقدم لكم هالقصيده..قصيده للشاعره العذبه اكثر من رائعه حبيت تشاركوني احساسهااااااا..
.................................................. ................
ياقلب فضفض على الاوراق واكتب له
ابيات يمكن يجي صدفه ويقراها

انزف من احساسك الصادق ورتب له
فوضى مشاعر محبه ضاع معناها

سيل حروف الوله والشوق واسكب له
من دلتك لين عينه ينتثر ماها

تراه متجاهل اوضاعك وطايب له
مايدري انه ملك دنياك وافناها

ماوفر الا جروح وكبد مندبله
واهات تملا الفضا والضيق يملاها

جفت غصون المحبه في رجا وبله
من يوم لم الثمر مامر واسقاها

واليوم ياقلب جانا البرد واحطب له
مامن يباس المحبه غير ذكراها

انثر مشاعر غلا على طرف حبله
وان كان مالمها خلاص مابغاها

ماعاد فيني افكرفيه وارقب له
لوقمت اعد السوالف واتطراها

مابيه يقرا القصيد بدون يحسب له
ابيه يقرا الحقيقه يوم يلقاها

وابي يحس اني اصدق قلب يكذب له
اشهد معه ضد نفسي واتبلاها

وابي يحس اني اكثر من تعذب له
وابي يحس ابـ عنا نفسي وماجاها

مابعد قلبه سكن قلبي ولا قبله
ولاهمني مع رضاه الناس ورضاها

هو اكثر انسان يجرحني وانا اهرب له
وعيوني اوووووفى العيون وغدره ابكاها
.................................................. ..........
شجعووووووووووووووني